Qazaq Air Түркістанға қосымша рейстерді іске қосады

Наурыз ұлттық мерекесі қарсаңында QAZAQ AIR әуе компаниясы 21 және 23 наурыз күндері Астанадан Түркістанға қосымша рейстер ашады.

Рейстер келесі кесте бойынша орындалады:

21 наурыз, сейсенбі (жергілікті уақыт бойынша):

IQ 369 Астана 08:05 – Түркістан 10:00
IQ 370 Түркістан 10:40 – Астана 12:35.

23 наурыз, бейсенбі:

IQ 369 Астана 10:00 – Түркістан 12:00
IQ 370 Түркістан 12:40 – Астана 14: 25.

«Түркістан – еліміздің мақтанышы. Мұнда түркі халықтарының мәдени, діни және тарихи баға жетпес мұралары шоғырланған. Еліміздің рухани астанасы ұлы ата-бабаларымыздың ғасырлар бойғы тарихын сақтап қалды. Осындай тамаша, салтанатты сәулет өнеріне қанығып, түркі елдерінің тарихымен танысып және Түркістанның заманауи, қарқынды дамып келе жатқан келбетін тамашалау мақсатында біз мереке күндері қосымша рейстер ашуды жөн көрдік», – деп атап өтті әуекомпания басшысы Еркін Наурызбаев.

Естеріңізге сала кетейік, QAZAQ AIR әуе компаниясының негізгі стратегиялық мақсаты – ішкі өңірлік маршруттарды дамыту, әсіресе сұраныс жоғары бағыттар бойынша әуе қатынасын жолға қою болып табылады. QAZAQ AIR өз жолаушыларына қолжетімді әуе көлігімен Қазақстан аумағы бойынша жылдам және ыңғайлы саяхаттау мүмкіндігін ұсынады.

QAZAQ AIR Астана – Түркістан – Астана бағыты бойынша тұрақты авиарейстерді 2023 жылдан бастап қайта жаңартты.